يوم عادى جدا ككل الايام , اخرج من المهندسخانه احمل المسطره واللوح واجرى مسرعا لالحق بالاتوبيس الذى سيقلنى الى الشقه التى اسكن فيها انا وزملائى , كانت تلك الشقه فى حى شعبى من احياء القاهره , وصلت وكان على ان اقوم باصعب مهمه فى التاريخ وهى صعود السلم , فانا ولحسن الحظ اسكن فى الطابق الخامس , وتسكن فى الشقه التى تحت منى مالكة العماره وهى راقصه مشهوره طاغية الحسن والجمال وكانت كعادة هذه الفتره من تاريخ مصر بتلعب على انا ودكتور كسلان لاننا كنا شباب حلوين ومتثقفين
المهم وصلت للشقه نزعت الطربوش عن راسى وبدلت ملابسى وجلست اتناول الغداء وكان على ان أأكل بسرعه وانام لأن اليوم سيكون شاق
صحيت من نومى وبدلت ملابسى بسرعه حتى لا يفوتنى اى لحظه من الخطه , تلك العمليه التى كنا سنقوم بها ليلا انا ورفاقى فى النضال _متفتكروش ان انا كنت انسان جد ومجتهد وكلام من الفاضى دانا فلاتى وبحب الهلس_ ولكن المصرى هيفضل مناضل فى اى وقت وطنى حتى النخاع. المهم اننى وصلت للاجتماع واتفقنا على كل بنود الخطه وكانت مادلين محور اساسى فى العمليه وطبعا هتقولولى مين مادلين دى _هاقولكوا الرقاصه_ حيث كانت مادلين لا تستخدم جسمها لاغواء الشباب _حـــاشا لله _ ولكن لخدمة الوطن _كعادة راقصات مصر فى هذه الفتره..............................انا تعبت هايكمل العمليه بتفاصيلها دكتور كسلان ويا رب مايكسلش ويكمل ليكم بقه
المهم وصلت للشقه نزعت الطربوش عن راسى وبدلت ملابسى وجلست اتناول الغداء وكان على ان أأكل بسرعه وانام لأن اليوم سيكون شاق
صحيت من نومى وبدلت ملابسى بسرعه حتى لا يفوتنى اى لحظه من الخطه , تلك العمليه التى كنا سنقوم بها ليلا انا ورفاقى فى النضال _متفتكروش ان انا كنت انسان جد ومجتهد وكلام من الفاضى دانا فلاتى وبحب الهلس_ ولكن المصرى هيفضل مناضل فى اى وقت وطنى حتى النخاع. المهم اننى وصلت للاجتماع واتفقنا على كل بنود الخطه وكانت مادلين محور اساسى فى العمليه وطبعا هتقولولى مين مادلين دى _هاقولكوا الرقاصه_ حيث كانت مادلين لا تستخدم جسمها لاغواء الشباب _حـــاشا لله _ ولكن لخدمة الوطن _كعادة راقصات مصر فى هذه الفتره..............................انا تعبت هايكمل العمليه بتفاصيلها دكتور كسلان ويا رب مايكسلش ويكمل ليكم بقه
يتبع
32 comments:
ههههههههه كدة من اولها نفسك قصير ؟؟ دى البوابة كبيرة اوى يا سى السيد
هي مادلين طول عمرها شقيانه كدا
ظالمينهم فعلا طول عمرهم
هي يعني هيكون ايه رماها على الرقص
اكيد كانت عايزة تغير الكارت وتجيب خط
هي زيزي اليمبي احسن منها يعني
وبعدين ايه يا باشمهندس
انت جازك بيخلص بسرعة كدا ليه
ومن اولها كدا بترمي على الدكتور كسلان
طيب ايه رايك بقى
انا هابلغ عنكم
عساكر الكامب
منتظرة البقية
اكيد مصر هتفضل غالية
تصدف ان فكرت مادلين دى
واحدة تانية
سلام
هو كله بيركز على مادلين
ايه يابشمهندس
انت اتعديت منى بجد
وسايب العملية كلها علي
كده هنروح كلنا فى داهية
ربنا يستر علينا
احنا بناضل مع مادلين
بس عشان مصر
اه من اولها كده فلاتى وبتحب الهلس
مش نخلى بالنا بقى من مصر شوية ونعمل الواجبات اللى علينا مع مادلين ولا هنسكت بقى وننام فى الدرة
مينفعشى الكلام ده
نشوف شغلنا بقى شوية
الا مادلين حلوة ولا ايه النظام
يلا روح انت يا بتاع الجاز نام وانت من أهله وهنقعد بقى ونحط ايدينا على خدودنا لغاية مدكتور كسلان يبطل كسل ويمسك ورقة وقلم ويكمل
عاوزين يكون فيه هنا ركن العائلات علشان يكون فيه شاى او بيبس او قهوة او حتى سنكوتشات نتسلى شوية
مستنينكم متتأخروش بقى
سلاموز -- هبة
والله مادلين دي مظلومه معاكم خالص
فاهمنها غلط دايما كدا يا ظالمه
احنا في ايام مفترجه يعني
خفوا علي البنت شويه
بجد مبروك افتتاح المدونه وان شاء الله اول باول متابعه معاكوا
تحياتي يا سيدي
اختيار اسم البطله اكثر من رائع
عجبتنى تعبيراتك و الفاظك يا باشمهدنس المتناسبه مع طابع المدونه الاصيل
طاغية الحسن-سيقلنى-حتى النخاع-اغواء الشباب
عاوزين سرعه فى الاداء يا دكتور
خدت بالك من باشمهدنس دى
؟؟؟؟
منتظرة تفاصيل العملية الوطنية بفارغ الصبر
ربنا يخليكم للوطن
بقى كده يا برنس
مش قلنا بلاش الاسرار دى تخرج بره علشان امن الوطن والمواطن
لكن بسيطة ان شاء الله
انا هاكلم الصاغ على حمدى يعرف البكباشى رؤوف حكمت ازاى يخفى اثار العملية قبل القلم السياسى ما ياخد خبر
سلام يا رفيقى
انا دلوقتى باسخن اله الزمن بتاعة بابا علشان جايلكم
استنونى اوعوا تعملوا العملية من غيرى
هه؟؟
صحيح ايه التفرقة العنصرية دي..ظالمين مادلين الفنانة اللولبية معاكم ليه
ايه الظن السئ دا؟
..كل واحد بيكافح بس على طريقته..وكله علشااااانك يا مصر
مبروك على المدونة الجميلة يا أبطال
:)
مبروك المدونة
شكلها هتبقي مدونة دمها خفيف
ايه جو شباب امراة ده
والله تخيلتكم زي شكري سرحان بالقبقاب الفجر .. وهو بيزاكر
هههههههه
وبعدين متظلموش مادلين
مش فاكرين نبيلة عبيد لما كانت بتقول ان الكفاح ده ميقلش عن كفاح المعركة
ربنا يقويهم
نظرة بسيطة لتاريخ مصر من ايام الملك فاروق
او جايز قبله .. بس ده اللي انا اوعى عليه
هتلاقي اللي بيحكم مصر
رقاصات
ونورت مصر
:D
دة انتم ابتدتوها مسخرة
والكل ساب كل حاجة وقفش في مادلين
هي الصراحة تستحق...البنية بتكد وتتعب عشان خاطر البلد
مستنيين اتعمل فيكم ايه...شكلكم اللي بلغتوا أصلاً على الناس الوطنيين في الفترة دي
مش كدة؟...قولوا متتكسفوووش
:)
مسنية البقية...ومبرووك الداخلة القوية دية
نوني
انا كننت عارف سلطانه جليله وزبيده
انما جديده حكاية سلطانه مادلين
الله يرحمك يا عم نجيب محفوظ
bocycat
اولا انا مش سى السيد انا بتاع الجاز
وبعدين مش كفايه كتبت المقدمه ودى كمان
وعلى العموم انا وسى السيد واحد
ما علينا
اصل انا كنت باعمل عمره ودلوقتى بلين
بس ان شاء الله الشغل الجامد قدام
وبعين انت معانا ولا مع الانجليز هاتبلغى عننا ازاى
عايزين نحافظ على سرية العمليه
بتاع العسل
هى يعنى اللى فى دماغك ماهياش رقاصه
دكتور كسلان
انت عارف ان احنا من غير مادلين مانقدرش نكافح ونناضل
يا صديقى
Doba
دا انا مركز فى قمة التركيز
وبالذات مع مادلين
دى مش حلوه بس دى الانوثه تمشى على قدمين
وبعدين انتى زهقتى منى بسرعه كده ليه
انا رايح اشرب اللبن وانام
سلامنجه_باى
gohayna
بالعكس انا عاطيها حقها غلى الاخر
ومش ظالمها ولا حاجه
تحياتى يا ستى
e7na
كنت عارف ان اسم البطله هايعجبك
لانه منبثق عن اعجابى بدورها الوطنى فى حياتنا
وبعدين هيا ليها دور عظيم فى تفريغ طاقات الشباب من خلال العمل الوطنى
ولا انت عاينا ننحرف
ايوية
احنا بنقطع نفسنا عشان الوطن
والتفاصيل قريب
أبو سويلم
لا زم نعرف الشعب ان احنا مش ساكتين وهانفضل نناضل عشان مصر يا رأفت....رأفت مين؟؟
المهم ان البوليس السياسى ما يشمش خبر لانه ممكن يصعد الموضوع وحكمدار القاهره يعرف يا رفيق
والنبى يا عم يا بتاع الجاز
مش مادلين دى اللى بالى بالك
مش كده ولا ايه
عليك نور يا هندسة
انت كدا فهمتنى
بس خلينا كويسين
تخاريف دكتور
يعنى هو بباك كان هايسبلك الة الزمن تمشى بيها براحتك
dr.Roufy
انا فعلا مش ظالمها
ومعترف ان هى بتكافح اشد من اى واحد فينا
وشكرا على الزياره
fanan fa2eer
الله يبارك فيكى
وباين عليكى انت اللى دمك خفيف
يا فنانتنا
Abeer
ما جو شباب امرأه ده هو اللى كان ماشى فى الزمن ده والناس كانوا متنغنغين
يا ريت تعود الايام دى تانى واشوف كل البنات فى الشارع زى مادلين
Noony
احنا بنحب مادلين حتى النخاع وبنعتبرها زى مصطفى كامل ومحمد فريد وسعد زغلول وزكى جمعه مين زكى جمعه ده؟
وبعدين انت ما بتشوفيش لما بتمشى فى الشارع دى بتهيج الشعب وبيمشوا وراها فى مظاهره فى حب مصر
سي السيد
شوف بقى يا سى السيد
دى سلطانة السلاطين اللى تعرفهم كلهم
والمفروض تكون عارف كده يا برنس الليالى
السندباد المصرى
هى اللى بالى بالك يا ولد عمى
ياصاحب
المسطرة
سلم علي دكتور كسلان
عايز اتعرف عليكم
حلوة اوى
Post a Comment