كنا فى العوامه أنا وأبو سويلم وتخاريف بنجهز للعمليه وقت ما دخل علينا كسلان يصرخ العمليه باظت
ردينا فى نفس واحد ليه
قال ابنك يس فى التياترو
قال ابنك يس فى التياترو
قولتله مستحيل ابنى يدخل الاماكن دى انا مربيه كويس
لكن كسلان أكد
قولت
هى أمينه السبب ضيعت الولاد
لكن قطعت كلامى نباهة تخاريف ان مفيش حد فينا يدخل التياترو
الدور كله على الأخت مادلين وكسلان يأمن العوامه من بره
بتاع الجاز هيمشى وراه زى ما بيعمل على طول
يبقى الموضوع اتحل والعمليه مشت زى الفل
طبعا كلهم فرحوا إلا أنا علشان عرفت إن إبنى بيدخل الأماكن دى
يبقى أنا بعمل ده عشان مصر وهو يعمل كده
المهم حطينا اللمسات الأخيره وإتفقنا أن أبو سويلم
هيسوق الحنطور ويروح يجيب الأخت مادلين والعسكرى جون
لأنه هوالوحيد إلى يعرف يعمل الدور ده
بتاع الجاز يراقب الحنطور ويأمنه من ورا
وكسلان يأمن العوامه من بره
وقعدنا أنا وتخاريف نظبط القعده علشان مادلين والزبون بتاعنا
يعنى إزازتين خمره لزوم العمل الوطنى وروقنا العوامه
وشيلنا صور سعد باشا زغلول ومحمد فريد وكل دول إلى كانوا متعلقين فى العوامه
علشان يفكرونا بمصر
ودار بنا حديث هل التاريخ هيعرف ويقدر اللى عملته مادلين علشان مصر
رد على تخاريف محدش فى الدنيا كلها يقدر يمحى اللى عملته مادلين علشان مصر
الناس كلها عارفه مادلين عانت علشانا اد ايه
وفجاه سمعنا الإشاره اللى كنا متفقين عليها مع كسلان إنهم مادلين والزبون وصلوا
بصيت من شرفة العوامه لقيت علامات التأثر والإعجاب باينه على وش أبو سويلم
من إعجابه الشديد من الأخت مادلين وقيامها بدورها ببراعه
وكان واضح من الضحكه بتاعتها اللى كلها أنوثه ما هو جون مجاش وراها من قليل
بل بتعبها وعنائها حقا مناضله مادلين
المهم إداريت خلف الستاره مستنين هنخلص على الزبون إمتى
ودخلت المناضله مادلين ويلهث خلفها الكلب جون
وأخذت مادلين تقوم بجميع الوجبات الوطنيه المتفق عليها
ياعينى عليك يا جون
انما واجبات ايه واحنا قاعدين نتفرج من ورا الستاره
وجون مبسوط أوى ويا عينى الواد جون هيموت
دوخته مبتدلوش كل حاجه مره واحده
كفايه كده أنا أعصابى باظت
يكملكم تخاريف يقدر يستحمل
يكملكم تخاريف يقدر يستحمل
و يقدر يقول إلى حصل
يتبع
17 comments:
سى السيد
الموضوع بداء يدخل فى الجد
شوقتونى لباقى العملىة ودور المناضلة مادلين فى الموضوع
مقولتليش عملت اية مع ياسين
والله انا شايف اان التاريخ لا ينسى فضل العظماء امثال مادلين واخواتها
بدليل ان السينما سجلت بطولاتهن فى افلامها عبر ملاحم سينمائية ابرزت وبوضوح شديد جدا جدا
ما قمن به فى سبيل الطن
وعاشت مصر حرة مستقلة
وياخوفى من اللى تخاريف هيعمله
سلام يا غالى
سعد سعد يحيا سعد
والنبى يا سى السيد
تسلم لى على مادلين كتير وتشكرها
على كل اللى بتعمله فى البلد وللبلد
وانت فاهم
رمضان كريم
والله انا هتابع حلقاتكوا دي
دي أحسن من أجدع مسلسل في رمضان يا شباب
ومستنية أعرف بقية حكاية المأسوف على شبابه جون
والمناضلة اللولبية مادلين
:)
كله علشان مصر يا سى السيد
ومتقلقش مش التاريخ بس اللى بيتكلم على مادلين دى البلد كلها
اقصد التاريخ والجغرافيا والاحياء
وبالذات الجغرافيا والتضاريس
بجد
احسن جزء لحد دلوقتى
اما نشوف ابوسويلم وتخاريف هيعملوا ايه
كل سنة وانت طيب
محدش هيعرف قيمة مادلين الا احنا
احنا اللى شوفناها
وشوفنا وطنيتها
وبعدين انت راجل مسخرة
لازم ابنك يطلع زيك
سلام يا سى السيد
من شابه اباه فما ظلم
ذاك الياسين من ذاك السي السيد
ايه دا يا سي السيد
بس تعرف ظهور ياسين
اثبت بالدليل القاطع
ان الرفيقة مادلين هي التي يقع عليها
ثقل المسئولية
وانكم معتمدين عليها اعتماد كامل
يللا كل علشان مصر
لما اشوف بقى
تخاريف ناوي ينقذ جوني ازاي
ما هو لازم ينقذه ما هو عميل ودسيسة
انا حذرتكم وانتم حرين
تخاريف من رجالة القصر
وعملاء الكامب
منتظرة بقى
سلام
هو احنا خلينا ابو سويلم يسوق الحنطور ليه يا سي السيد؟؟
سأرد على كل المشككين فى وطنيتى واثبت
ان مصر هتفضل غالية عليا انا كمان
ربى ولادك بقى يا سي السيد
مش كل حاجة امينة امينة
مش حيب كده الواد يروح التياتروهات
هنيجى نشيل معاكم فى الكامب الانجليزى امتى بقى - لما تتقفشوووووووو
سلنولى على جون لغاية لما نعرف البطلة مادلين عملت فيه ايه
وربى ياسين بقى متسيبهوش كده
حييييييييييب
سلاموز
هبة
ايوية
الباقى يقدر يحكيه تخاريف
بانسبه ياسين
الدور كان كله على الرفيقه مادلين
ـــــــــــــــــ
أبو سويلم
فعلا اتعملها فيلم مادلين وشلة الفدائين عيب يا ابو سويلم
ــــــــــــــــــ
السندباد المصرى
فكرتنى يوم خرجنا من جامعة القاهره
سيري سيري يامادلين
ماشى وراكى الملايين
ـــــــــــــــــــــ
dr.Roufy
والله احنا أحسن من مسلسلات رمضان
مفيش اعلانات بتقطعنا على الاقل
منوره على طول المدونه
ـــــــــــــــــــــــ
e7na
أشكرك على امجامله الغاليه
مادلين..............كفايه
ــــــــــــــــــــــــــ
عصفور بلا أجنحة
وانت طيبه
ــــــــــــــــــــــــــــ
دكتور كسلان
فاكر أيام مكانت بتلبس الزى العسكرى وتمشى امامنا
بطله ههههههههههههه
ـــــــــــــــــــــــ
ما علينا
نحن عائله وطنيه
جدا جدا جدا
ابنى كان بينفذ عمليه صعبه جدا جدا جدا
مش احنا معتمدين على مادلين بس البلد كلها ؟؟؟؟؟؟؟؟؟؟؟؟؟؟معتمده عيها
تخاريف لو خاين مادلين هتغضب عليه وآه من غضب مادلين
ــــــــــــــــــــــــــــ
تخاريف دكتور
أبو سويلم هو الى معاه الكرباج
انت وطنى يا تخاريف
ــــــــــــــــــــــــــ
Doba
ياجماعه الواد بينفذ عمليه عشان مصر زى ابوه وكله يهون عشان مصر
حلو قوي الصنف اللي بتتعاطوه ده
بتجيبوه منين؟
و لا الحكومة نزلته على بطاقة التموين من باب ترويق الشعب في الشهر المفترج و كده
الست مادلين دي انا حاسة اني عارفاها تكونش اللي في بالي؟
كل قمر الدين و انتم احلى خشاف في البلوجرز
كل سنة وانت طيب رمضان كريم .. حبقى ادخل عشان أقرأ الاجزاء ال3 اصل دلوقت مصدعة من الصيام ودى حاجة عايزة تركيز
مسخرة..بجد كلكم مسخرة
بس مسخرة في سبيل الوطن برضه
مادلين دي بتتعب وبتشقى كتير أوي
وانتم كمان...ربنا يكون في عونكم ويقدركم على انكم تشوفوا تعبها كدة قصادكم...بس مناضلين صح
ويس اللي جابه التياترو؟
هو انت كل حاجة ترميها على أمينة؟
هي هتعمل ايه ولا ايه؟
مش كفاية عليك طنط الحاجة مادلين؟
هنهرج بقى ولا ايه؟
اتقي ربنا شوية في أمينة
دة احنا حتى في رمضان يا راااجل
مستنية البقية
:)
نوني
الله اكبــــــــــــــــر
عاشت مصر حرة مستقلة
نموت نموت وتحيا مصرررر
وانا مستعد اناضل مع مادلين وكله علشان البلد,, عارف يعنى ايه البلد يا حسين؟؟ قصدى يا صاحب البوابه
شدوا حيلكوا يارجاله
كل سنة وانتم طيبين بجد بجد احلى حاجة العمل المشترك وفرق العمل اللي احنا بنفتقدها معلش مفيش وقت في رمضان نقرا كل المسلسل كله بس ان شاء الله اكمله لاحقا بس اوصيكم بامينة خيرا هى الاصل برده وبعدين هى وهى نازلة من علي السلم رجلها اتزحلقت السوارس مخبططهاش.
اخ معلش تخاريف صيام
هههههههههههههههههههههه
بجد انتوا فريق عمل رائع
بس اللى صعب عليا وقفتكوا ورا الستارة وانتوا ياعينى بتتقطعوا من ال...العمل الوطنى
صحيح الوطنية دى كلها عذاب
بس انا حسه كده انه مش بس عشان حب الوطن
ده تقريبا عشان
حب الحرية طبعا
كملوا عشان اعرف ايه اللى حصل لاحسن الواحد بقى بيقرا على اعصابه
Post a Comment