حانت لحظة الحسم...................ـ
فقد انتشر خبر اختفاء الجندى الانجليزى جون أو جونى على اختلاف الروايات ونشطت الاجهزة الامنية والعسكرية فى البحث عنه فى كل مكان
كما ان الخلية كانت قد اكتملت بعودة المناضلة جميلة بو حريد من مهمة نضالية اخرى فى منطقة القناة الحبيبة
جميلة التى تعمل فى قسم الحسابات بشركة نابلسى شاهين للصابون هى العضو النسائى الاخر فى الخلية؛لكن دورها النضالى يختلف تماما عن دور المناضلة الرائعة مادلين....فبالاضافة الى اتقان جميلة للغة الانجليزية وبلكنة اجنبية الا انها تتمتع بمهارة عالية فى اطلاق النار من على مسافات بعيدة، كما أن لها خبرة واسعة فى زرع المتفجرات والتفجير عن بعد اكتسبتها من مشاركتها فى الثورة الفلسطينية عام 36
بعد اكتمال الخلية بدأنا فى تنفيذ الفصل الاخير من العملية......ـ
نزلت انا أبوسويلم و سى السيد ومعنا جون وركبنا سيارة كسلان التى قادها تخاريف بنفسه متوجهين الى وسط القاهرة فى حين بقى بتاع الجاز مع مادلين وكسلان وجميلة فى العوامة يستعدون للمشهد الاخير
وبمجرد ان دخلنا شارع عماد الدين اذا بنا نشعر بسيارة سوداء تسير خلفنا اينما ذهبنا
قرر تخاريف التخلص من هذه السيارة وحاول التملص منها اكثر من مرة دون فائدة ؛ الا أنه تمكن فى النهاية من الاختفاء وسط زحام السيارات فى ساعة الذروة ، وبعدها لم نجد بدا الا ان نعود الى العوامة
ولأن السيارة مسجلة باسم كسلان والعوامة تعود ملكيتها الى ابيه فقد توقعنا ان يقوم البوليس السياسى بمهاجمة العوامة
وكان ما كان ؛فلم تمض سوى ساعة واحدة وكانت قوة مشتركة من الجيش الانجليزى والبوليس السياسى قد جاءت لتهاجم العوامة
القوة المكونة من خمسة جيبات انجليزية وثلاث سيارات للبوليس السياسى وقوامها خمسون جنديا تقدمت لتقتحم العوامة لتخلص جون وتقبض على خاطفيه
واليكم الصورة.........ـ
كسلان وتخاريف وجميلة متنكرون فى زي صيادين فى مركب فى وسط النيل على مسافة غير بعيدة من العوامة
بتاع الجاز و مادلين يجلسان كحبيبين فى حديقة على النيل على مقربة من العوامة
أنا و سى السيد نتابع المشهد من بناية قديمة تطل على النيل على الجانب المقابل لمادلين وحبيبها
تقدمت القوة لتقتحم العوامة ؛ونزل ضابط انجليزى يتبعه عشرون جنديا الى العوامة فيما انتظر الباقون على الشاطىء
وبمجرد أن نزل الضابط وجنوده الى العوامة ليجدوا جون مقيدا فى ركن من العوامة ؛وبمجرد ان دخلوا جميعا اذا بجميلة تضغط على الزر لينفجر الجسر الخشبى المؤدى الى العوامة وبضغطة اخرى انفجرت العوامة باكملها
حينها اصابت باقى القوة الهلع وجاءتهم المفاجأة الأخرى حين ضغط بتاع الجاز على الزر لتنفجر السيارات الواقفة شرقى العوامة ، وتتوالى المفاجآت بتفجير السيارات الواقفة على الجانب الغربى للعوامة حين قام سى السيد بالضغط على المفجر الذى بحوذتنا
قتل أربعون جنديا وجرح الباقون وتمت العملية بنجاح منقطع النظير ؛الا ان القدر ابى الا ان يهدينا بهدية....ـ
جاد بتاع الجاز بروحه على اثر تلقيه رصاصة فى كتفه الايمن حين لمحه احد عساكر الانجليز وهو يضغط على زر التفجير
جاد بأنفاسه الاخيرة وهو ملقى فى أحضان مادلين ولسانه يهتف حتى الرمق الأخير
عسى خلاصك يا مصر قريب
تمت
33 comments:
اول تعليق
سبقتني
ابوسويلم قاللك قبل كده
مفيش فرق
وبعدين احنا الاتنين مناضلين
واشتركنا فى عملية واحدة
ايه يا ابو سوسلم الحاجات الحلوة دى
كانت مفاجأة دخول الاخت جميلة معانا فى العملية
بس فى الجون
كنا محتاجين خبرة خارجية
خصوصا بالامكانيات العظيمة دى
لا وانا طلعت ارستو قراطى
عندى عربية وابويا عنده عوامة
بس للاسف هنفتقد بتاع الجاز
وعزاؤنا الوحيد انه استشهد
لا ومات فى حضن مادلين
معلهش يا ابوسويلم
انا لسه من الجيموتعبان
ان شاء الله هاكمل التعليق
سلام
كما توقعت
مبدع يا صديقى كعادتك
لا والجزء الجديد بقى وانضمام جميله للخليه
عمل عمق وخط درامى متوازى مع الشخصيات المحوريه
الله على الكلام الكبير
طارق الشناوى يا ولاد
بقى انا افضل قاعد قدام الكمبيوتر استنى وبعدين الاقى دكتور كسلان وما علينا سبقونى
بس كويس
شفت تعليق لما علينا فيه كلمه واحده
بس خلاص كده يعنى تعليقاتهم خلصت
؟؟؟؟؟؟
سواقى من يومى
ايه ياباشا الجمال ده والله باشا
بس انا عايزك تطمن الناس ع بتاع الجاز يا جماعة الرصاصة ف كتفه وهو سقط ف حضن مادلين
اطمنوا عليه
نطمأن عليه ان الرصاصه فى كتفه ولا انه فى حضن مادلين
؟؟؟؟
والله وعملوها الرجالا
بس الحمد لله الرصاصة جت في كتف بتاع الجاز جت سليمة يعني
ايه الجمال دا يا شوباب
بجد شىء محترم ولذيذ بجد
والله يرحم بتاع الجاز اهو نسال الله ان يتقبله شهيدا شهيدا
بس الخوف انه يكون مات وهو بيقول لمادلين كلمة سر,, وبعدين مطمنتونيش على مستقبل مالدين ماهى برضه من المناضيلين, وانتوا رجاله ومفيش خوف عليكوا انما هى محتاجه قلب طيب يواسيها بعد موت البطل بتاع الجاز ( مش عارف كانت طايقه ريحته ازاى:D
منتظر الجديد باذن الله
ايه الحلاوة دى
ايه الجمال ده
كعاطتك يا ابا سويلم مبدع من يومك
بس عارف
الواد بتاع الجاز ده
يا ماشيه معاه
مات فى حضن مادلين
يا بخته
سلاااااااااام
بقى انت يا كسلان
طلع عندك عربية وابوك عنده عوامة
ماشى يا عم
وسايبنا كده متبهدلين
والله لاقول للحاجة
ماشى يا سايب
يعني جت في بتاع الجاز؟
ضحيتوا بيه؟
ثم جاد بأنفاسه عشان رصاصة في كتفه
ليه كان عنده عيب خلقي وقلبه كان طالع في كتفه؟
وكمان كتفه اليمين مش الشمال؟
والله فطستني من الضحك
ولا الجيش اللي رايح يقبض عليكوا ده
والله انتوا كفاية علي مصر
مش محتاجين أكتر منكوا عشان تححرروا القدس وتحاربوا جيوش الاحتلال
:))))))
بس علي فكرة من أحلي الجزاء وأخفها دما
تحياتي
والله بعد مفرحت بنجاح العملية زعلتونى والله على بتاع الجاز
شهيد العملية الوحيد
وهية دة مصر يا عبلة
ربنا معاكم
دكتور كسلان
فزت بالاول يا بطل
مبروك
انت اللى زى العسل يا دوك
بس مفاجاة حلوة زى ما قلت فعلا
وطبعا انا لقيتك اكتر واحد لايق عليه الدور فاسندته لك
يلا ده كان طلب بتاع الجاز
شهيدا شهيدا
خللى بالك من صحتك
سلام
e7na
ده من بعض ما عندكم
ومفيش فرق بينك وبين كسلان
والمرة الجاية تسبق انت يا سيدى
بس ايه الكلام الكبير ده صحيح
والسلام
تخاريف دكتور
يا دوك انت اللى جامد والله
ثم ان المخرج قال
بتاع الجاز مات
يبقى بتاع الجاز مات
والسيناريو يقتضى ذلك
سلام
sahr
ورفعوا راس مصر بلدنا
فعلا جت سليمة
هو مات بس
ورقة لكل عصر
ده من ذوقك بس يا باشا
واحب اطمنك على مادلين
لاننا جميعا موجودين معاها وبنواسيها
وهنحاول نرجعها فى اقرب فرصة لعملها النضالى بجميع اوجهه
سلام
السندباد المصرى
اخجلتم تواضعنا والله يا اخى
على رايك
بتاع الجاز ده امه داعياله
وحظه من السماء
ناس لها بخت
سلام
fanan fa2eer
والله دى رؤية المؤلف انه يموته برصاصة فى كتفه اليمين
ثم ان العملية كانت على مستوى يقتضى احباطها ب 3 او 4 كتايب كمان
احنا قليلين فى النضال ولا ايه؟
الحمد لله ان الموضوع نال اعجابك
والسلام
ايوية
الله يرحمه بقى
كان مناضل من النوع الاصلى
لكن ده قدره
سلام
طبعا مش اول مرة اتشرف بان اسمي
يرد في الأجزاء دي
اول مرة طبعا تخاريف بدأ بيا
بس كان بيرد على تشكيكي في وطنيته
وطبعا شكي صار يقين
ان تخاريف خاين خاين خاين
تاني مرة بقى مع الغالي
داخلة اقرأ الاقيني قال ايه
كنت باخلص مهمة في القناة
بصراحة المهمة كانت صعبة اوي
لكن الحمد لله
انت عارف اختك بقى
ربك كريم وبينصرنا دايما
لا وايه سكرتيرة وباتقن اللغة الانجليزية وحاجات جامدة كدا
عارف
افتكرت فيلم شروق وغروب او كان اسمه غروب وشروق
لما الخلية كان بيجتمعوا وكان معاهم
سكرتيرة موظفة مش عارفة في شركة ايه كدا
ولازم يكون في واحد من الطبقة البرجوازية
علشان ما حدش يقول دي خلية شيوعية
طلع كسلان
وكدا تحطني مع الخاين في مركب واحدة
وموت بتاع الجاز
يللا اهو مات بين ايدين مادلين
ربنا يصبرها بقى
كل دا بسبب
الخيانة
منين عرفوا بالخطة
وراقبوكم
وتخاريف تعمد انه ما يهربش من المطاردة
علشان تصدقوا لما اقولكم
خيااااااااااااااااااااانة
وتمت المهمة بنجاااااااح
أخيرا
الحمد لله
بس بتاع الجاز مات..في حضن مادلين
ولا عمل نفسه ميت بقى؟؟
;)
احنا فينا من الحركات دي يا رفاق النضال الوطني المسلح؟
ما علينا
بس انتوا عملتوا عملية غلبت..بتوع القاعدة في افغانستان
بس كان ناقص تتطلعوا شريط..فيديو
والله كان كسر السوق
:)
تحياتي ..وبجد استمتعت بقراية الحكاية بكل اجزاءها
hiiiiiiiiiiiiiiiiiiii
مش حدرتك مؤلف روايات
خياره وجبنه
أقصد كليله و سمنه
طيب بتاع الجاز عنده جاز ولا بـــح
مش عجبني ان جميلة أبو حريد تدخل فجاة كدة في ىخر جزء
مع إن دورها كان فعال ومكنش ينفع تفجروا وتعملوا الحركات دي من غيرها
بس انتم قاصدين إن الأدوار النسائية، المتمثلة في البطلة المغوارة مادلين وصاحبة المتفجرات جميلة بو حريد، هي الأدوار الفعالة اللي في القصة؟
يعني بصراحة....شاكلكم وحش أوي
وكمان خليتم بتاع الجاز شهيد؟
بس على فكرة مازال أسلوبكم حلو..أنا بس بغيظكم
ها؟ هتكتبولنا ايه بقى المرة الجاية؟
:)
نوني
فى البداية تتقدم روحى الطاهره بتقديم احر التهانى بمناسبة نجاح العمليه
واحب ان اهنئ ابو سويلم على سرده الرائع للأحداث
واحب ان لقول لكم بان هناك خبر سيئ ان مادلين انتحرت بعد موتى بعدة ايام
وروحها الان معى تؤنسنى كما كانت تؤنسنا فى الحقيقه
كما اننى اشكر البوابين كلهم واقول لهم وحشتونى
والى اللقاء قريبا
الله ينور
حلوة الفكرة والله .. ربنا يوفقكوا
الله مالحق : مش محتاجين ( بوابات ) , ولا انتوا حركة رجالية صرفة ؟؟
أكيد كمان انتوا ضد عمل المرأة
آه و أكيد برضه انتوا ضد حرية المرأة
وأكيد كمان انتوا بتكرهوا قاسم أمين
لا لا لا : يا نساء البلوجات اتحدوااااااااا
[ هاقلب الدنيا عليكوا حالا ]
طبعا بهزر .. اوعوا تزعلوا
بنت النيل
ما علينا
اولا انت بتعملى فى قسم الحسابات مش السكرتارية
مش عاوزين مغالطات تاريخية
ثم انت بتقولى فيها
انا فعلا كنت متمثل الفيلم العظيم صبح وليل ده
والمناضلة النسائية اللى بتشتغل فى الشركة والكلام ده
المهم ان الموضوع عجب حضرتكم
وان تخاريف انكشف على حقيقته
اسف على التأخير فى الرد
والسلام
dr.roufy
عملوها الوحوش
وكمان مش اى اى ولا زى زى
قاعدة ايه
احنا الاصل والباقى تقليد
وابشرك شريط العملية نازل السوق كمان شهر
من عالم الفن مش روتانا
شكرا لك يا دوك وربنا يوفقك
واسف على التأخير فى الرد
والسلام
anonymous
hhhhhhhiiiiiiiiiiiiiii
خيارة وجبنة
اضحكتنى يا فتى
امشى
noony
اولا مساحة الدور تقتضى ان جميلة تظهر فى الجزء الاخير فقط
ثانيا جميلة خبطت قبل ما تدخل
ثالثا احنا يشرفنا ان مادلين وجميلة هما اصحاب الادوار الفعالة زى ما قلت
علشان تعرفى قد ايه احنا قلبنا كبير
رابعا بتاع الجاز فاز
وانتظرى المفاجأة الجاية
هيييييييييييييه
كنت باغيظك
اسف على التأخير فى الرد
والسلام
بتاع الجاز
شكرا يا برنس
ده من بعض ما عندكم
ده انت محظوظ بشكل
بقى لما اموتك مادلين تموت بعديك على عطول
ناس ليها حظ
اسف على التأخير فى الرد
والسلام يا برنس
داليا عز
الله يكرمك يا ست الكل
ثم انت لو لاحظت هتلاقى ان البطولة المطلقة فى القصة لمادلين
مادلين اللى بتمثل الانوثة فى انقى صورها
وبعدين جميلة كمان مشاركة فى البطولة بقوة ولولاها ما كانش حصل اللى حصل
ثم ان احنا يشرفنا جدا وجود بوابات معانا
ده احنا نعمل قسم حريمى
بس انت شاورى بس
شوفت احنا بنشجع عمل المراة ازاى
وبنساعد كمان على نشر مفهوم حرية المراة
واسالى جميلة
بس بصراحة انا مش بحب نزار لا انا ولا اى بواب مننا
بس نصيحة
بلاش تستعدينا
احنا اكثرية وممكن نعمل حاجات كتيرة اوى
اسف على التأخير فى الرد
والسلام
ياعيني يا بتاع الجاز
مظلزم من يومه كدا
كل دا عشان خاطر مادلين
الله يسامحكم
ليكوا اغراض خفيهوضحيتوا بالراجل
سلاماتك يا بتاع الجاز
خيرها في غيرها يا ابني
كل عيد وانتوا بالف خير وسلامه
تحياتي ليكم جدا
جامدين جدا يا جماعة والله
انا قريت الاجزاء اللي فاتتني
بجد حلوة اوي
والجزء الاخير ده فسرلي حاجات كتير كانت
تايهة عن بالي
شكلكم انتو اللي عملتو حريق القاهرة
بالنسبة لبتاع الجاز
هبعتله بوكيه ورد حالا في امستشفىخانة
gohayna
ده يتاع الجاز هو اللى فاز بها دونا عن جميع المناضلين الاخرين
شكرا لكلامك الجميل
والسلام
abeer
ليه كده بس يا عبير
انت كده هتلقبى علينا القلم السياسى
احنا ماصدقنا ان الملف بتاع حريق القاهرة اغلق تماما
كده هيرجعوا يفتحوه ويستدعونا للتحقيق من جديد
كله علشان مصر
شكرا لك يا ست الكل
ونورتينا حقيقى
والسلام
طيب خلاص كدة؟
البلوج دة انتهي واتقفل؟
انتم فييييييييين يا أهل الداااااار؟
بعد السلام
انا مش قادر اقول راى
هما دول الشباب المصرى والله
مشرفنا يا حلوانية
بارك الله فيكم
بس حكاية مدلين وبتاع الجاز دى مش ممكن تتحذف عشان تبقى قصة مناضلين
؟؟؟؟؟؟؟؟؟؟؟؟؟
انتوا فين ياجماعة
بقى بعد الشغل الجامد ده والراجل اللى راح جنب مادلين ده؟ (اكيد بتحسدوه)
هتسيبوا تضحيتوا تروح هدر
عايزين مغامرات وطنية كمان
بس زودوا العنصر النسائى المكافح
عشان ناخد عبرة ونعرف ان المراة لازم يبقى ليها دور اكبر
ومفيش مشكلة ان اخرياااات على غرار مادلين يشتركوا
احنا عمرنا ماهننساها
مستنين جديدكو بعد الحداد اللى بلغ شهرين لحد دلوقتى
كل سنه وانت طيب ورمضان كريم
thank you
سعودي اوتو
Post a Comment